Raza Musani 
بغداد : عراق کے معروف مذہبی و سیاسی رہنما سید مقتدیٰ الصدر کی اقتدا میں لاکھوں افراد نے نماز جمعہ ادا کی۔ لاکھوں افراد مقتدیٰ الصدر کی اپیل پر بغداد پہنچے۔ بعض لوگوں نے کفن پہن کر نماز جمعہ ادا کی۔ مقتدیٰ الصدر نے کہا تھا کہ نماز جمعہ کو اتحاد و وحدت کے ساتھ ادا کیا جانا چاہیے کیونکہ یہ ایک خالصانہ عبادت ہے اور میں کوشش کروں گا کہ خود اسکی امامت کا فریضہ انجام دوں. انہوں نے مزید کہا کہ میں کسی بھی فتنے کا حصہ نہیں بنوں گا بلکہ عوام خودمختار ہیں اور اگر عوام اصلاحات چاہیں گے تو میں بھی انکی حمایت کروں گا۔ مقتدیٰ الصدر کے بیان کے بعد مختلف علاقوں سے لوگوں نے جمعرات سے ہی بغداد پہنچنا شروع کردیا تھا۔
