فرانس: اسکول میں عبایا پہننے پر پابندی کا فیصلہ

پیرس: فرانس میں طالبات کے حجاب کے بعد اسکولوں میں عبایا پہننے پر پابندی لگانے کا فیصلہ کرلیا گیا۔ فرانس میں طویل عرصے سے جاری بحث کے بعد عبایا پر پابندی لگانے کا فیصلہ کیا گیا۔ فرانس کے وزیرِ تعلیم گیبریل اٹل نے عبایا کو سیکولر قوانین کی خلاف ورزی قرار دیا ہے اور کہا کہ عبایا پہن کر آنا ملک کے سیکولر قوانین کا امتحان لینے کے مترادف ہے ۔جیسے ہی آپ کلاس روم میں داخل ہوتے ہیں۔ ایسا ماحول ہونا چاہیے کہ طلبہ کو دیکھ کر ان کے مذہب کو کوئی پہچان نہ سکے۔ انہوں نے کہا کہ فیصلہ کیا ہے کہ اب اسکولوں میں عبایا نہیں پہنا جا سکتا۔ چار ستمبر سے ملک بھر میں کلاسوں میں واپسی سے قبل اسکول کے سربراہوں کو قومی سطح پر واضح اصول دیں گے۔
فرانس میں عبایا پر پابندی کے فیصلے سے مذہبی اور شہری آزادی پر نئی بحث چھڑ گئی ہے۔