شام اور اسرائیل میں پہلے باضابطہ مذاکرات، معاہدہ نہ ہوسکا

پیرس: پیرس میں شام اور اسرائیل کے درمیان کشیدگی میں کمی کیلئے پہلے باضابطہ مذاکرات میں کوئی معاہدہ نہیں ہوسکا۔ امریکی ثالثی میں اس غیر معمولی ملاقات میں فریقین نے جنوبی شام میں کشیدگی کو کم کرنے اور 1974ء کے فائر بندی معاہدے کو دوبارہ فعال بنانے کے امکانات پر بات چیت کی۔ العربیہ اور دیگر نیوزایجنسیوں کے مطابق ملاقات حتمی معاہدے پر نہیں پہنچی بلکہ ابتدائی نوعیت کی مشاورت تک محدود رہی۔
رپورٹ میں دعویٰ کیا گیاہے کہ شامی وفد نے اسرائیلی فوج کی ان پوزیشنز سے فوری واپسی کا مطالبہ کیا جن پر حالیہ دنوں میں قبضہ کیا گیا ہے۔۔ اور 1974ء کے معاہدے پر بین الاقوامی ضمانتوں کے ساتھ عمل درآمد پر زور دیا۔مذاکرات کے اختتام پر طے پایا کہ مستقبل قریب میں مزید ملاقاتیں کی جائیں گی تاکہ بات چیت کو آگے بڑھایا جا سکے اور جنوبی شام میں پائیدار استحکام کی بنیاد رکھی جا سکے۔