حزب اللہ اور صیہونی فوج میں شدید جھڑپیں، 10 فوجی ہلاک، متعدد زخمی

بیروت : حزب اللہ اور صہیونی فورسز کے درمیان مختلف مقامات پر جھڑپیں شدت اختیار کرگئی ہیں۔ حزب اللہ نے درہ قطمون میں صہیونی فوجی مرکز پر میزائل داغے۔ جھڑپوں اور میزائل حملوں کے دوران دس صیہونی فوجی ہلاک اور کئی زخمی ہوگئے جبکہ 9 مرکاوا ٹینک بھی تباہ ہوگئے ہیں۔ تنظیم نے کہا ہے مجاہدین کہ دشمن کے فوجیوں کو سرحدی قصبے میں حربے کے تحت لبنانی سرحد میں داخل ہونے پر مجبور کیا۔ اس کے بعد شدید حملہ کیا۔ القوزح اور رب ثلاثین کے قصبوں میں فریقین میں شدید جھڑپیں ہوئیں۔ صیہونی اخبار معاریو نے اپنی ویب سائٹ پر کہا ہے کہ 4 ہیلی کاپٹر سرحدی علاقوں سے زخمیوں کو نکالنے کے لئے سرگرمیوں میں مصروف ہیں۔ بیان میں کہا گیا ہے کہ حالیہ جنگ کے آغاز سے اب تک صیہونی فوج کے 55 سپاہی اور افسران ہلاک جبکہ تقریباً 500 زخمی ہوگئے ہیں۔