Raza Musani 
اسرائیلی اخبار معاریو نے خبردار کیا ہے کہ غزہ جنگ کے طویل دباؤ اور عالمی سطح پر بڑھتی ہوئی سیاسی تنہائی کے باعث صیہونی فوج اپنی صلاحیت کی آخری حد پر پہنچ چکی ہے۔
اسرائیلی اخبار کے مطابق صیہونی فوج غزہ آپریشن کے بوجھ تلے شدید بیزاری اور تھکن کا شکار ہے۔ وہ بریکنگ پوائنٹ کے قریب پہنچ چکی ہے۔ جہاں اِس کی کارکردگی خطرے میں پڑ سکتی ہے۔ اخبار کے مطابق اسرائیل کو سیاسی اعتبار سے یورپی ممالک، آسٹریلیا اور چند عرب ریاستوں کی جانب سے شدید دباؤ کا سامنا ہے، جس نے اس کی سفارتی تنہائی کو مزید گہرا کیا ہے۔ اخبار کے مطابق جنگ کی قیادت غیر پیشہ ورانہ انداز میں ہو رہی ہے، جس کے نتائج ریاست اور فوج دونوں کے لیے انتہائی منفی ہیں۔ اخبار نے حماس کی نشوونما سے متعلق پس منظر پر بھی روشنی ڈالی ہے، جہاں بتایا گیا کہ وہ ابتدا میں غزہ کے جبالیہ پناہ گاہ کیمپ سے اُبھری اور اب ایک مضبوط مزاحمتی قوت بن چکی ہے۔
