Raza Musani 
نابلس : حماس سے تعلق رکھنے والے فلسطین کے سابق نائب وزیراعظم ناصر الدین الشعیر فائرنگ کے واقعے میں شدید زخمی ہوگئے۔ مغربی کنارے کے علاقے نابلس میں ناصر الدین پر فائرنگ کی گئی جس کے نتیجے میں وہ زخمی ہوئے۔ ناصرالدین نابلس کی نَجاہ یونیورسٹی میں لیکچرار ہیں، فائرنگ کے بعد انہیں طبی امداد کے لیے مقامی اسپتال لایا گیا۔فلسطینی صدر محمود عباس نے سیکیورٹی فورسز کو حملے کی تحقیقات کے لیے ہدایات جاری کر دی ہیں۔
