Raza Musani 
جنیوا : اقوام متحدہ کے ادارے اوچا نے دیر البلاح کے مکینوں اور بےگھر فلسطینیوں کو جنوب کی طرف منتقلی کا نیا حکم انسانی ہمدردی کی کوششوں کیلئے ایک اور تباہ کن دھچکا قرار دیا ہے۔
اوچا نے کہا ہےکہ بڑے پیمانے پر نقل مکانی کے حکم نے لوگوں کو زندہ رکھنے کے لیے پہلے سے ہی کمزور لائف لائنوں کو شدید دھچکا پہنچایا ہے۔ اوچا نے کہاہے کہ انخلا کے حکم سے پہلے دیرالبلاح میں پچاس سے اسی ہزار متاثرین پناہ گزین تھے۔ انہیں بے سروسامانی کے عالم میں علاقہ چھوڑنے پر مجبور ہونا پڑا۔ اوچا نے کہا کہ انخلا کے احکامات سے قطع نظر تمام شہری مقامات کو محفوظ ہونا چاہیے۔ ایجنسی نے خبردار کیا کہ امدادی گوداموں، صحت کے کلینکس اور پانی کے بنیادی ڈھانچے کو پہنچنے والے کسی بھی نقصان کے نتیجے میں ایسے شہریوں کی موت ہو جائے گی جو اب بھی علاقے میں موجود ہیں.
