ملک بھر میں جشنِ آزادی پر ملی جوش و جذبہ

کراچی : ملک بھر میں جشنِ آزادی ملی جوش و جذبے کے ساتھ منایا جارہا ہے، رات 12 بجتے ہی شہریوں نے 14 اگست کا بھرپور طریقے سے خیرمقدم کیا، شہر شہر چراغاں اور شاندار آتش بازی کی گئی، رات گئے تک نوجوان سبز ہلالی پرچم اٹھائے سڑکوں پر گھومتے رہے، دن کے آغاز پر توپوں کی سلامی دی گئی، اس موقع پر نعرہ تکبیر سے فضا گونج اٹھی، نمازِ فجر میں ملکی ترقی، یکجہتی، امن اور خوشحالی کے لیے خصوصی دعائیں مانگی گئیں، صبح سویرے کراچی میں بانیٔ پاکستان قائدِ اعظم محمد علی جناح ؒ اور لاہور میں مصورِ پاکستان حکیم الامت علامہ محمد اقبالؒ کے مزاروں پر گارڈز کی تبدیلی کی پر وقار تقریبات منعقد ہوئیں، بانیٔ پاکستان کے مزار پر پاکستان نیول اکیڈمی کے کیڈٹس نے اعزازی گارڈز کے فرائض سنبھالے، اس موقع پر فاتحہ خوانی کی گئی اور ملک و قوم کے لیے دعائیں ک گئیں، لاہور میں حکیم الامت علامہ محمد اقبالؒ کے مزار پر پاکستان رینجرز کی جگہ پاک فوج کے چاق و چوبند دستے نے گارڈز کی ذمے داریاں سنبھالیں۔