Raza Musani 
دوحہ : پابندیوں کی منسوخی کے طریقہ کار پر بات چیت کیلئے قطری دارالحکومت دوحہ میں ایران اور امریکا کے درمیان دور روزہ بالواسطہ مذاکرات ختم ہوگئے۔ فریقین نے کہا ہے کہ وہ روٹ کے تسلسل اور مذاکرات کے اگلے مرحلے کے بارے میں رابطے میں رہیں گے۔ ایران کے امریکا سے براہ راست مذاکرات سے انکار کے بعد یورپی یونین سفارکاروں کے ساتھ مزاکرات کا انعقاد کیا گیا ہے۔
ایران کے سینیئر مذاکرات کار علی باقری کنی اور یورپی یونین کی خارجہ پالیسی کے نائب سربراہ اور ایٹمی مذاکرات کے رابطہ کار انریکا مورے نے بالواسطہ مذاکرات سے قبل ملاقات کی۔ ایرانی امور میں امریکاکے خصوصی نمائندے رابرٹ میلی نے بھی جو مذاکرات کی غرض سے دوحہ میں ہیں قطر کے نائب وزیرخارجہ محمد بن عبدالرحمان آل ثانی سے ملاقات کی۔علی باقری کنی نے کہا کہ ہم عدم پھیلاؤ اور علاقائی استحکام کے لیے ایک اہم معاہدے کو ٹریک پر واپس لانے کے لیے اور بھی زیادہ عجلت کے ساتھ کام کرتے رہیں گے۔
