Raza Musani 
لندن : برطانیہ میں امتیازی سلوک کی وجہ سے مسلم آبادی کیلئے روزگار کا حصول مشکل ہوگیا ریسرچ جرنل میں شائع تحقیق کے مطابق برطانوی منڈی میں مذہب اور رنگ کی بنیاد پر تفریق موجود ہے۔رپورٹ کےمطابق ملازمتیں فراہم کرنے میں مسلمانوں کے ساتھ امتیازی سلوک برتا جاتا ہے۔تحقیق میں ثابت ہوا کہ مسلمانوں کے لیے ملازمت کے کم مواقع ان کی سماجی و معاشرتی اقدار کی وجہ سے ہیں۔ مسلمانوں کو اپنے مذہبی عقائد کی بنیاد پر سب سے زیادہ امتیازی سلوک کا سامنا ہے چاہے ان کی تعلیم، عمر، زبان پر عبور اور صحت اچھی ہی کیوں نہ ہو۔پاکستانی، بنگلہ دیشی، سیاہ فام افریقی اور کیریبیئن ممالک سے تعلق رکھنے والے افراد کو ملازمتوں کے حصول میں دشواری کا سامنا ہے۔ ریسرچ میں برطانیہ کے ادارے سے حاصل کردہ گزشتہ 10 سال کا ڈیٹا شامل کیا گیا جس میں ایک لاکھ افراد کے سماجی و معاشی حالات کا جائزہ لیا گیا تھا۔
