Raza Musani 
اسٹاک ہوم: سویڈن میں ایک بار پھر کروڑوں مسلمانوں کی دل آزاری کرتے ہوئے قرآن پاک کی بے حرمتی کردی گئی۔ دارالحکومت اسٹاک ہوم میں دو عراقی نژاد ملعونوں نے شاہی محل کے سامنے اپنا گھناؤنا فعل انجام دیا۔ 37 سالہ سلوان مومیکا اور 48 سالہ سلوان نجم شاہی محل کے سامنے مرکزی چوک پر پہنچے اور قرآن پاک کا نسخہ نذر آتش کیا۔ اس موقع پر پولیس کی بھاری نفری ملعونوں کو تحفظ فراہم کرتی رہی جنہیں آزادی اظہار کے قانون کے تحت قرآن پاک کی بے حرمتی کے لیے ایک گھنٹے کا وقت دیا گیا تھا۔ اس موقع پر مسلمانوں اور مقامی افراد نے احتجاج کیا اور نفرت ختم کرو کے نعرے لگائے۔ دونوں ملعونوں کے جانے کے بعد لوگوں نے چاروں طرف پھیلے قرآن کے جلے اور بغیر جلے اوراق جمع کئے۔
