Raza Musani 
کابل : افغانستان میں سینکڑوں افغان شہریوں نے امریکی ڈرون حملے میں القاعدہ کے سربراہ ایمن الظواہری کی ہلاکت کے خلاف احتجاج کیا ہے۔ صوبہ بادغیس میں ہونے والے مظاہرے میں افغان شہریوں نے امریکہ مخالف بینرز اٹھا رکھے تھے۔ سوشل میڈیا پر زیر گردش تصاویر میں دیکھا جا سکتا ہے کہ سات افغان صوبوں سے تعلق رکھنے والے مظاہرین نے بینرز اٹھا رکھے ہیں جن پر امریکا مردہ باد،جو بائیڈن جھوٹ بولنا بند کرو اور امریکا جھوٹا ہے درج تھا۔ ان مظاہروں سے ایک روز قبل طالبان کی جانب سے کہا گیا تھا کہ ان کی حکومت کو ’ایمن الظواہری کے کابل میں داخل ہونے اور رہنے کے حوالے سے کوئی معلومات نہیں تھیں۔‘
