امریکی وزیر خارجہ سے رابطہ، روس نے یوکرین کو اسلحہ کی فراہمی سے خبردار کردیا

ماسکو: امریکا اور روس کے وزرائے خارجہ کے درمیان ٹیلی فون پر بات چیت ہوئی ہے جس میں قیدیوں کے تبادلے اور یوکرین کی صورتحال پر تبادلہ خیال کیا گیا۔ روسی میڈیا کے مطابق روسی وزیر خارجہ سرگئی لاروف نے کہا ہے کہ یوکرینی فوج کو اسلحے کی فراہمی تصادم کو طول اور نقصانات میں اضافہ کرے گی۔ روسی وزیر خارجہ کا کہنا ہے کہ امریکی پابندیوں نے موجودہ صورتحال کو پیچیدہ بنا دیا ہے۔روسی وزیر خارجہ نے امریکی ہم منصب کو قیدیوں کے تبادلے پر خاموش سفارتکاری اپنانے کی دعوت دی ہے۔ مشترکہ اعلامیے کے مطابق گلوبل فوڈ سیکیورٹی کو یقینی بنانے پر بھی تبادلہ خیال کیا۔ اعلامیے میں دونوں وزرائے خارجہ میں دوطرفہ تعلقات کو بہتر بنانے پر بھی تبادلہ خیال کیا گیا۔ روسی وزیر خارجہ سرگئی لاروف کا کہنا ہے کہ چین کی ون چائنا پالیسی پر روسی موقف میں تبدیلی نہیں آئی ہے۔ ہمیں چین کی خود مختاری کے اصول برقرار رکھنے میں کوئی مسئلہ نہیں ہے۔