غزہ میں سردی ایک قاتل عنصر بن چکی ہے، اقوام متحدہ

غزہ : اقوام متحدہ کے ہائی کمیشن برائے انسانی حقوق نے کہاہے کہ سردی قاتل عنصر بن چکی ہے۔ جو گزشتہ دو سال سے جاری بمباری اور زبردستی بیدخلی کے ساتھ مل کر جانوں کے لیے مہلک ہے۔ انسانی حقوق کے ہائی کمیشن کے ڈائریکٹر اجیت سونگائی نے کہا کہ غزہ کے مکین جو موجودہ سردی کی لہر کا سامنا کر رہے ہیں، وہ ایک انتہائی خطرناک صورتحال سے دوچار ہیں۔ انہوں نے بتایا کہ درجہ حرارت میں کمی کی وجہ سے بچوں کی ہلاکتیں ہو چکی ہیں، اور یہ نقصان زبردستی بے دخلی، مناسب پناہ گاہوں کی کمی اور شہریوں کو سخت موسمی حالات سے بچانے والی بنیادی اشیاء کی مسلسل بندش سے الگ نہیں کیا جا سکتا۔ اقوام متحدہ کے اہلکار نے کہا کہ یہ آفت اچانک نہیں تھی، کیونکہ اس موسم میں سردیاں متوقع ہیں، لیکن لاکھوں افراد کو ناکافی اور غیر انسانی خیموں میں چھوڑ دینا، قدرتی مظاہر کو انسانی بنائی گئی المیہ میں بدل دیتا ہے۔ سونگائی نے زور دیا کہ ضرورت صرف اضافی خیموں کی نہیں، بلکہ معیاری پناہ گاہوں کی ہے۔ انہوں نے مزید کہا کہ تعمیراتی سامان اور آلات پر جاری پابندیاں ایک حقیقی رکاوٹ ہیں، جو کسی بھی موثر انسانی امداد کو ناممکن بناتی ہیں۔