Raza Musani 
تہران : بھوکے پیاسے مظلوم فلسطینیوں کی اموات پر کئی ممالک میں شہری سڑکوں پر آگئے۔نیدرلینڈ۔ امریکا۔ برازیل۔ جنوبی کوریا ۔ ایران اور یمن سمیت دنیا کے کئی ممالک میں احتجاج کیا گیا اور ریلیاں نکالی گئیں۔
ایران کے مختلف شہروں میں نماز جمعہ کے بعد صہیونی مظالم کے خلاف اور فلسطینی عوام کے ساتھ یکجہتی کے لئے احتجاجی ریلیاں نکالی گئیں۔ نیدر لینڈ میں ہزاروں افراد نے بتیس شہروں میں ریلوے اسٹیشنز پر دھرنے دئے اور برتن بجا کر غزہ میں بھوکے پیاسے فلسطینیوں کے مصائب کو اجاگر کیا۔
امریکا کے شہر شکاگو میں برتن اٹھائے شہریوں کے اسرائیلی قونصل خانے کے سامنے مظاہرہ کیا۔ جنوبی کوریا کے شہر سیول میں بھی شہریوں نے برتن اٹھاکر احتجاج کیا۔فرانس میں بھی بھوکے پیاسے فلسطینوں کے حق میں سینکڑوں افراد نے احتجاج کیا۔ برازیل میں ہزاروں افراد نے ریلی نکالی۔ واشنگٹن میں قحط زدہ بچوں کی تصاویر اٹھائے شہریوں نے نسل کشی کے خلاف خاموش مظاہرہ کیا۔
