عراق میں شہید جنرل قاسم سلیمانی و رفقاء کی برسی کی مناسبت سے تقریب

بغداد: ایرانی جنرل قاسم سلیمانی، ابو مہدی المہندس اور ان کے ساتھیوں کی شہادت کی تیسری برسی کی مناسبت سے عراق کے صوبہ صلاح الدین میں تقریب کا اہتمام کیا گیا۔ دارالحکومت بغداد کے شمالی شہر دوجیل میں ہونے والی تقریب میں سرکاری حکام۔ علمائے کرام اور شہریوں کی بڑی تعداد شریک ہوئی۔ تقریب میں فاتح کمانڈروں کی یاد اور مسلم معاشرے کے دفاع اور داعش اور ان کے آقاؤں کی مجرمانہ سازشوں کا مقابلہ کرنےمیں ان کے کلیدی کردار کو خراج تحسین پیش کیا گیا۔ عراقی حکام نے شہداء کے راستے کو جاری رکھنے کی اہمیت پر زور دیا۔ امریکی فوج نے 3 جنوری 2020 کو بغداد کے بین الاقوامی ہوائی اڈے کے قریب ڈرون حملے میں دو بااثر کمانڈروں اور ان کے ساتھیوں کو شہید کردیا تھا جس کا براہ راست حکم سابق امریکی صدر ڈونلڈ ٹرمپ نے دیا تھا۔