Raza Musani 
بغداد : عراق کے سب سے جنوب میں واقع علاقوں کے باشندوں نے اربعین ملین مارچ شروع کر دیا ہے۔ کورونا وبا کے بعد پہلی بار ایران کے زائرین زمینی سرحدوں کے کھلنے کے بعد بڑی تعداد میں مارچ میں شرکت کریں گے۔ بصرہ اور جنوبی عراق کے شہریوں نے راس البیشہ کے شہر فاؤ میں جمع ہوکر کربلا کی جانب سفر کا آغاز کیا۔ کالے، لال اور سبز پرچم اٹھائے زائرین نے شدید گرمی کے باوجود سمندر سے نہر تک کے سلوگن کے ساتھ سفر شروع کیا ۔ان پرچموں پر لبیک یا حسین اور ھیھات منا الذلہ جیسے نعرے درج ہیں۔ جس شہر سے یہ واک شروع ہوئی ہے وہ کربلائے معلی سے 500 کلومیٹر کے فاصلے پر ہے۔
