Raza Musani 
ریاض : سعودی عرب میں بھیک مانگنے کو غیر قانونی اور قابل سزا جرم قرار دے دیا گیا ہے۔ سعودی پبلک پراسیکیوشن کا کہنا ہے کہ گداگری ایک سماجی اور اقتصادی جرم ہی نہیں بلکہ اس میں سلامتی اور صحت کے خطرات بھی مضمر ہیں۔ گداگری کرنے، بھکاریوں کا انتظام کرنے، دوسروں کو اکسانے اور بھیک مانگنے میں کسی بھی قسم کی معاونت کو بھی جرم تصور کیا گیا ہے اور اس پر کم سے کم ایک سال قید اور ایک لاکھ ریال جرمانہ کی سزا دی جائے گی۔ گداگری میں ملوث غیر ملکیوں کو سزا پوری ہونے کے بعد ملک بدر کردیا جائے گا اور انہیں دوبارہ حج اور عمرہ کے سوا مملکت میں داخلے کی اجازت نہیں ہوگی۔
