مقبوضہ کشمیر میں رواں سال بھی محرم الحرام کے جلوسوں پر پابندی

سری نگر : مقبوضہ کشمیر میں قابض انتظامیہ نے رواں سال بھی محرم الحرام کے جلوسوں پر پابندی لگادی ہے۔ پابندی کی وجہ سیکیورٹی وجوہات کو قرار دیا گیا ہے۔ 8 محرم الحرام کو انتظامیہ نے سری نگر کے علاقے گرو بازار سے ڈلگیٹ تک نکالے جانے والے جلوس کو روک دیا۔ عزداروں نے امام بارگاہ میں مجلس عزا کے بعد جلوس نکالنے کی کوشش کی تو انتظامیہ رکاوٹ بن گئی۔ واضح رہے کہ انتظامیہ 8 اور 10 محرم کے دو بڑے جلوسوں پر پابندی لگاتی آرہی ہے۔