Raza Musani 
مناما: بحرین کے عوام نے نمائشی انتخابات کے خلاف احتجاجی مظاہرے کئے۔ مظاہرین نے نمائشی انتخابات کے خلاف پلے کارڈ اٹھا رکھے تھے جن پر انتخابات کے بائیکاٹ اور عوامی ریفرنڈم کرانے کے مطالبے درج تھے۔ ادھر سیاسی جماعتوں اور تنظیموں نے ایک بار پھر عوام سے نمائشی انتخابات کے بائیکاٹ کی اپیل کی ہے۔ فریڈم اینڈ ڈیموکریسی فرنٹ،14 فروری یوتھ الائنس اور آزاد اسلامی تحریک کے مشترکہ بیان میں عوام سے اپیل کی گئی ہے کہ وہ انتخابات میں حصہ نہ لیں۔ بیان میں انتخابات کے بائیکاٹ کو اسرائیل کے ساتھ گٹھ جوڑ کی مخالفت قرار دیا گیا ہے۔ بیان میں کہا گیا ہے کہ ملک کے مذہبی رہنما آیت اللہ عیسی قاسم کی قیادت میں، ایک بھرپور عوامی انقلاب کی تحریک کا منصوبہ جلد پیش کر دیا جائے گا۔ جس کا مقصد نمائشی پارلیمانی انتخابات کو غیر مؤثر بنانا ہے۔
