Raza Musani 
مزار شریف : افغان صوبے بلخ کے شہر مزار شریف میں مسلح افراد نے ہوائی اڈے کے ملازمین کو لے جانے والی بس پر بھاری ہتھیاروں سے حملہ کردیا۔ فائرنگ سے 2 افراد ہلاک اور 6 زخمی ہو گئے۔ بلخ کی صوبائی پولیس کے ترجمان محمد آصف وزیری نے بتایا کہ مزار شریف ائرپورٹ جانیوالی بس پر 2 مسلح افراد نے گھات لگا کر حملہ کیا۔ بس میں تکنیکی ٹیم سوار تھی۔ ابھی تک کسی گروپ نے حملے کی ذمہ داری قبول نہیں کی ہے۔ ایک روز پہلے دارالحکومت کابل میں منی بس کو بم سے نشانہ بنایا گیا جس میں 4 افراد جاں بحق اور متعدد زخمی ہوئے تھے۔
