Raza Musani 
غزہ : غزہ پر دوسرے دن بھی غاصب اسرائیلی فوج کے حملے جاری رہے۔ غزہ کے جبالیہ مہاجر کیمپ پر بمباری میں 3 کمسنوں سمیت 5 فلسطینی شہید ہوگئے۔ صیہونی حکومت کے جنگی طیاروں نے مسجد عماد عقل کے اطراف کو نشانہ بنایا۔ ایک میزائل مکان پر بھی داغا گیا جس میں مزید 4 فلسطینی شہید ہوئے۔ دو روز سے جاری صیہونی حملوں میں شہید فلسطینیوں کی تعداد 24 ہوگئی ہے۔ صیہونی حملوں میں 140 سے زائد فلسطینی زخمی بھی ہوئے ہیں۔ اسلامی جہاد نے صیہونی حملوں کا بھرپور جواب دیا اور مقبوضہ علاقوں پر راکٹوں کی بارش کردی دو دن میں چار سو سے زائد راکٹ داغے گئے۔ استقامتی محاذ کے راکٹ حملوں کے بعد گزشتہ 24 گھنٹوں سے صیہونی بنکروں اور محفوظ مقامات پر پناہ لئے ہوئے ہیں اور ان میں شدید خوف پایا جاتاہے۔ راکٹ حملوں میں اشکوک کالونی میں ایک کارخانہ تباہ ہوا اور 2 صیہونی فوجی زخمی ہوئے۔ جبکہ نیر عور کی اسرائیلی کالونی پر کئے گئے حملے میں ایک کارخانہ مکمل طور پر تباہ ہوا۔
