Raza Musani 
میانوالی: ملک میں دہشت گردی کی نئی لہر نے دہشت پھیلادی۔ چوبیس گھنٹوں میں فوجی اہداف پر خوفناک حملے کئے گئے۔
میانوالی میں سیکیورٹی فورسز نے پاک فضائیہ کے ٹریننگ ایئر بیس پر دہشت گرد حملے کو ناکام بنا دیا۔
آئی ایس پی آر کے مطابق پاک فضائیہ کے میانوالی ٹریننگ ایئر بیس پر دہشت گردانہ حملہ ہوا جسے سیکیورٹی فورسز کے بروقت اور موثر جواب کی بدولت ناکام بنا دیا گیا۔ غیر معمولی جرأت اور بروقت جوابی کارروائی کا مظاہرہ کرتے ہوئے 9 دہشت گردوں کو ہلاک کر دیا گیا.
حملے کے دوران پی اے ایف کے فنکشنل آپریشنل اثاثوں میں سے کسی کو کوئی نقصان نہیں پہنچا تاہم پہلے سے گراؤنڈ کیے گئے تین غیر آپریشنل طیاروں اور ایک فیول باؤزر کو نقصان پہنچا۔ پی اے ایف ٹریننگ ایئربیس میانوالی پر کومبنگ اینڈ کلیئرنس آپریشن مکمل کر کے تمام 9 دہشت گردوں کو ہلاک کر دیا گیا ہے۔
اس سے پہلے ضلع لکی مروت میں دہشت گردوں سے مقابلے میں دو فوجی مارے گئے جبکہ جوابی کارروائی میں ایک دہشت گرد ہلاک ہوا۔
گزشتہ روز صوبہ بلوچستان میں پسنی سے اورماڑہ جانے والی سیکیورٹی فورسز کی 2 گاڑیوں پر دہشت گردوں نے گھات لگا کر حملہ کیا۔ اس حملے میں 14 فوجی جوان شہید ہوئے۔
