Raza Musani 
کابل : افغان طالبان نے عزاداری پر پابندی نہ لگانے اور مجالس و جلوسوں کو مکمل سیکیورٹی فراہم کرنے کی یقین دہانی کرائی ہے ہرات میں طالبان کمانڈر نے مقامی قیادت کے ہمراہ شیعہ عمائدین سے ملاقات کی اور اس تاثر کو غلط قرار دیا کہ طالبان اہل تشیع کے دشمن ہیں ان کا کہنا تھا کہ شیعہ ہمارے بھائی ہیں وہ صحابہ امہات المومنین اور خلفائے راشدین کا احترام کرتے ہیں طالبان اہلسنت ہیں آن کا نظریہ داعش جیسا نہیں ہے ہم اہل تشیع کا مکمل احترام کرتے ہیں انہیں اپنی مذہبی رسومات ادا کرنے کی مکمل آزادی ہے ادھر مزار شریف میں طالبان سیکیورٹی آفیشل مولوی عبدالقادر نے مسجد و امام بارگاہ محمد رسول اللہ میں محرم کی ماتمی مجلس میں شرکت کی اور حسینی پرچم اُتارنے پر معذرت کی حسینی پرچم اتارنے کا اقدام غیر ذمہ دارانہ فعل تھا ہم اپنے شیعہ بھائیوں کی توہین نہیں کرنا چاہتے تھے ہم مزار شریف میں بھائیوں کی طرح اکٹھے رہنا چاہتے ہیں میں حنفی صوفی ہوں اور پیغمبر اسلام ص کے نواسے امام حسین ع کا احترام کرتا ہوں اور میں ان کی شہادت کی برسی پر غمزدہ ہوں میں آپ کو یقین دلاتا ہوں کہ کسی کو بھی دوسروں کی مذہبی رسومات میں مداخلت کا حق نہیں دیا جائے گا اور کسی بھی شیعہ پر حملہ کی اجازت نہیں دی جاۓ گی۔
