Raza Musani 
واشنگٹن : امریکا میں دوسروں کی زندگیاں چھیننے کیلئے بنایا جانے والا اسلحہ خود امریکی شہریوں کیلئے عذاب بن گیا۔ فائرنگ کے واقعات کا سلسلہ جاری ہے۔ فائرنگ کے تازہ ترین واقعات میں 7 افراد ہلاک اور 24زخمی ہوگئے۔ ریاست مشی گن کے علاقے ساگینا میں رات گئے نائٹ کلب کے قریب فائرنگ سے 3 افراد ہلاک اور 2 زخمی ہوگئے۔ اسی طرح ٹینیسی کے شہر چٹانوگا میں جب لوگ چھٹی کا لطف اٹھا رہے تھے۔ آدھی رات گزرنے کے بعد بار کے قریب فائرنگ کا واقعہ پیش آیا۔ گولیاں لگنے سے 3 افراد ہلاک اور 14 زخمی ہوگئے۔ جنوبی کیرولائنا میں بھی فائرنگ کا واقعہ پیش آیا ہے۔ ایک تقریب میں فائرنگ سے ایک شخص ہلاک اور 8 زخمی ہوگئے۔
