Raza Musani 
واشنگٹن : امریکہ میں 70 ہزار نئے افغان پناہ گزینوں کی عارضی رہائشی حیثیت خطرے میں پڑگئی۔ امریکا نے 2021 میں افغانستان سے عجلت میں کئے گئے انخلا کے بعد اپنی افواج کے ساتھ کام کرنیوالے 88 ہزار سے زائد افغانوں کو امریکا منتقل کیا۔ انہیں خصوصی ویزا جاری کیا گیا تھا جس کی مدت اگست یا ستمبر میں ختم ہو رہی ہے جس کے بعد وہ قانونی طور پرامریکا میں رہنے کا حق کھو دیں گے۔ امیگریشن اور ریفیوجیز کے ادارے وتھرن امیگریشن اینڈ ریفیوجیز کے ڈائریکٹر خالص نوری نے بتایا کہ صورتحال انتہائی پریشان کن ہے۔ حکومت نے عارضی رہائشی اسٹیٹس کی توسیع کے لئے درخواستیں دائر کرنے کا کہا ہے لیکن انگریزی پر عبور اور درخواستیں جمع کرنے کے مقامات کا علم نہ ہونے پر افغان شدید پریشانی سے دوچار ہیں۔ خالص نوری نے بتایا کہ عارضی رہائشی حیثیت ختم ہوئی تو ملازمت۔ ہیلتھ انشورنس اور مالی معاونت سے بھی ہاتھ دھو بیٹھیں گے۔
