امریکا مشرق وسطیٰ میں کشیدگی کو ہوا دے رہا ہے، ایران

تہران : ایران نے کہا ہے کہ امریکا مشرق وسطیٰ میں کشیدگی کو ہوا دے رہا ہے۔ امریکا نے خطے میں کشیدگی اور بحران پیدا کرنے کی کوشش کی ہے۔ امریکی صدر جو بائیڈن کے دورۂ مشرق وسطیٰ پر ردعمل میں ترجمان ایرانی وزارت خارجہ نے کہا کہ ایران پر جوہری ہتھیار بنانے کے الزامات خطے میں امریکا کی شرانگیز پالیسی کا حصہ ہیں۔ امریکا کا اسرائیل سے سیکیورٹی معاہدہ امریکی منافقت اور دھوکے کی عظیم علامت ہے، امریکا نے خطے میں زیادہ ایٹمی ہتھیار رکھنے والی صیہونی حکومت کی طرف سے آنکھیں بند کر رکھی ہیں۔