ایران اور ایٹمی توانائی ایجنسی کے درمیان تعاون کی بحالی کا معاہدہ

قاہرہ : ایران اور ایٹمی توانائی ایجنسی کے درمیان تعاون کی بحالی کا معاہدہ ہوگیا۔ ایرانی وزیر خارجہ عباس عراقچی اورآئی اے ای اے کے سربراہ رافیل گروسی کے درمیان قاہرہ میں معاہدے پر دستخط ہوئے۔ معاہدے کے تحت معائنہ جاتی سرگرمیوں کی بحالی کے عملی طریقۂ کار پر اتفاق کیا گیا ہے۔ معاہدے کے بعد عباس عراقچی نے کہا کہ ایران سفارت کاری اور بات چیت کے ذریعے مسئلہ حل کرنا چاہتا ہے۔ معاہدہ اس کی نیک نیتی کا ثبوت ہے۔
اس سے قبل قاہرہ میں ایران کے وزیر خارجہ عباس عراقچی، مصر کے وزیر خارجہ بدر عبدالعاطی اور آئی اے ای اے کے ڈائریکٹر جنرل رافائل گروسی کے درمیان ایک مشترکہ اجلاس منعقد ہوا۔ سعودی عرب نے مصر کی ثالثی میں معاہدے کا خیرمقدم کیا۔