Raza Musani 
ابوظہبی: افغان مہاجرین نے متحدہ عرب امارات اور انڈونیشیا میں رہائش کے نا مناسب انتظامات کے خلاف اور اپنی سرنوشت کے تعین کیلئے مظاہرہ کیا۔ ابوظہبی میں مقیم افغان مہاجرین نے مظاہرہ کرتے ہوئے متحدہ عرب امارات کے اعلیٰ حکام سے اپنی سرنوشت کے تعین کا مطالبہ کیا۔ مظاہرین کے ہاتھوں میں پلے کارڈ تھے جن پر لکھا تھا کہ کیا ایک سال کا وقت سرگردانی کے عالم میں زندگی گزارنے کے لئے کافی نہیں ہے۔ انڈونیشیاء میں بھی افغان مہاجرین نے اپنی رہائش کی نا مناسب صورتحال کے خلاف مطاہرہ کیا۔
