صیہونی فوج کے حملوں میں 63 فلسطینی شہید، غذائی قلت سے 4 بچوں سمیت 15 فلسطینی دم توڑ گئے

غزہ: صیہونی فوج پہلی بار دیرالبلاح میں گھس گئی۔ امدادی مرکز ۔ مکانات اور خیمہ بستی پر حملوں میں تریسٹھ فلسطینی شہید کردیے گئے۔ 26 فلسطینی امدادی مرکز پر شہید کئے گئے۔
مزاحمت کاروں سے جھڑپ میں صیہونی فوجی ہلاک ہوگیا۔ صیہونی فوج کے شاطی کیمپ۔ غزہ سٹی ۔ خان یونس ۔ جبالیہ سمیت شمالی اور وسطی غزہ میں جگہ جگہ وحشیانہ حملوں میں خواتین اور بچوں سمیت بڑی تعداد میں فلسطینی مارے گئے۔
ادھر غذائی قلت سے چار بچوں سمیت پندرہ فلسطینی دم توڑ گئے۔ انروا کے مطابق دس لاکھ بچے موت کے دہانے پر جاپہنچے ہیں۔ غذا کی کمی اور تھکن سے نرسیں ۔ ڈاکٹرز اور طبی کارکن بھی بے ہوش ہوکر گرنے لگے۔
برطانیہ۔ کینیڈا اور یورپی یونین سمیت اٹھائیس ممالک نے غزہ میں غیرانسانی قتل کی مذمت کرتے ہوئے فوری جنگ بندی کا مطالبہ کیا ہے۔ یورپی یونین کی خارجہ امور کی سربراہ کاجا کیلس نے اسرائیل کو خبردار کیاکہ وہ امدادی مراکز پر قتل عام بند کرے۔ اسرائیل نے مطالبات نہ مانے تو تمام آپشنز موجود ہیں۔