پاکستان پوسٹ نے پاکستان کے جاری کردہ سیاسی نقشے پر مبنی ڈاک ٹکٹ جاری کردیا ہے۔ پاکستان کے جاری کیے گئے سیاسی نقشے کی تصویر پر مبنی 20 روپے مالیت کا ڈاک ٹکٹ جاری کیا گیا ہے۔ یادگاری ڈاک ٹکٹ بابائے قوم قائد اعظم محمد علی جناحؒ کے یوم پیدائش 25 دسمبرکے موقع پر جاری کیا گیا ہے۔
پاکستان پوسٹ آفس کی جانب سے جاری کردہ یادگاری ڈاکٹ ٹکٹ واضح کرتا ہے کہ جموں و کشمیر پر بھارت نے غاصبانہ قبضہ کررکھا ہے۔ پاکستان کی جانب سے جاری کردہ یادگاری ڈاک ٹکٹ اس عزم کا اعادہ کرتا ہے کہ مسئلہ کشمیر کا سلامتی کونسل کی قراردادوں کے مطابق ہی حتمی حل ہو گا۔ 25 دسمبر کے تاریخی موقع پر جاری کردہ یادگاری ڈاک ٹکٹ جموں کشمیر سمیت سیاچن اور سرکریک کے تنازع پر پاکستان کے مؤقف کو بھی اجاگر کرتا ہے۔
