Raza Musani 
اسلام آباد: پاکستان میں سیاسی کشیدگی اور غیر مستحکم معاشی صورتحال کے باعث روزگار کیلئے بیرون ملک جانیوالوں کی تعداد میں غیر معمولی اضافہ ہوا۔ بیورو آف ایمیگریشن اینڈ اوورسیز ایمپلائمنٹ کے مطابق گذشتہ سال پاکستان سے روزگار کی تلاش میں بیرون ملک جانے والوں کی شرح میں 188 فیصد اضافہ ہوا ہے۔ وفاقی وزیر برائے اوورسیز پاکستانی ساجد حسین طوری نے بتایا کہ ان کی وزارت نے ایک سال میں دس لاکھ اکاون ہزار 764 لوگ مختلف ممالک میں ملازمتوں کے لیے بھیجے۔ زیادہ تر افراد مشرق وسطیٰ، ایشیا، یورپ اور شمالی امریکا سمیت کل 32 ممالک کی طرف گئے ہیں۔ سرکاری اعداد و شمار کے مطابق اس وقت سب سے زیادہ پاکستانی مشرق وسطیٰ کے ممالک میں روزگار کے خواہشمند ہیں۔ رپورٹ کے مطابق 50 ہزار سے زائد پاکستانی 60 کے قریب ممالک میں بطور لیبر کام کر رہے ہیں۔
