امریکا میں گن کلچر کے وار، 15سالہ لڑکے نے اپنے 3 بہن بھائیوں کو قتل کرکے خود کو گولی مارلی

امریکی ریاست الاسکا کے گھر میں فائرنگ سے 4 بچے ہلاک ہوگئے، 15سالہ لڑکے نے اپنے 3 بہن بھائیوں کو مارنے کے بعد خود بھی خودکشی کرلی۔ امریکی میڈیا کے مطابق 15 سالہ لڑکے نے اپنے تین بہن بھائیوں، جن کی عمریں 5، 8 اور 17 سال ہیں کو فائرنگ کرکے ہلاک کرنے کے بعد خود بھی خودکشی کرلی، گھر میں موجود تین دیگر بہن بھائی جن کی عمریں 7 سال سے کم ہیں زخمی نہیں ہوئے۔
جب یہ واقعہ پیش آیا تو بچوں کے والدین گھر پر نہیں تھے، الاسکا اسٹیٹ ٹروپرز کے ترجمان ٹم ڈی اسپین نے کہا کہ حکام واقعے کی تحقیقات کررہے ہیں۔