Raza Musani 
تل ابیب : صیہونی عدالت کے غیر انسانی فیصلے کے بعد مقبوضہ مغربی کنارے کے 12 سو فلسطینیوں کو جبری بے دخلی کے خطرات کا سامنا ہے۔ عدالت نے صیہونی زیر قبضہ 7 ہزار 400 ایکڑ اراضی کو ملٹری زون قرار دیا ہے۔ اور کہا ہے کہ یہ اراضی اسرائیل اور غرب اردن کی باونڈری پر ہونے کی وجہ سے فوجیوں کی تربیت کے لیے حساس اہمیت کی حامل ہے۔ مقبوضہ مغربی کنارے کے خطے کو آرمی فائرنگ زون بنانے کے سبب اب تک سب سے بڑی نقل مکانی کی راہ ہموار ہوئی ہے۔رہائشیوں نے جگہ چھوڑنے سے انکار کر دیا ہے، انہیں امید ہے کہ ان کی مزاحمت اور عالمی دباؤ کے سبب اسرائیل گھروں سے بے دخل کرنے سے باز رہے گا۔
