Ilyas یورپی ٹرائیکا کوایران پر اسلحہ پابندیوں میں توسیع پر حمایت نہیں مل سکی
برسلز(نیوز ڈیسک) یورپی ٹرائیکا ایران کے خلاف اسلحہ پابندیوں میں توسیع کے لئے چین اور روس کو قائل کرنے میں ناکام ہوگیا ، ایک یورپی سفارت کار نے بتایا ہے کہ جرمنی، فرانس اور برطانیہ پرمشتمل یورپی ٹرائیکا ایران کیخلاف اسلحہ پابندیوں میں توسیع کیلئے روس اور چین کو قائل کرنے کی کوشش کررہے تھے لیکن ان کی کوشش ناکام رہی ، سفارت کار کے مطابق سلامتی کونسل میں ایران کے خلاف اسلحہ جاتی پابندیوں میں توسیع سے متعلق امریکی قرارداد بھی ناکام ہوجائے گی ،امریکا کا مقصد ایران کے ساتھ ہونے والے ایٹمی معاہدے کو نابود کرنا ہے
