Ilyas سلامتی کونسل کی قراردادوں کی مطابق مسئلہ کو حل کیا جائے،پاکستان
باکو(نیوز ڈیسک) آرمینیا اور آذر بائیجان کے درمیان نگورنو کاراباخ کے تنازع پر جنگ چھڑگئی،جنگ میں فضائی حملوں، میزائلوں اور بھاری ہتھیاروں کا استعمال کیا جارہا ہے، جھڑپوں میں اب تک سو سے زیادہ افراد جانبحق اور 300سے زائد زخمی ہوچکے ہیں،آرمینیا نے الزام عائد کیا ہے کہ ترکی نے ملک کی فضائی حدود میں داخل ہو کر اس کا ایک لڑاکا طیارہ مار گرایا ہے، نگورنو کاراباخ کو بین الاقوامی طور پر آذربائیجان کا حصہ تسلیم کیا جاتا ہے لیکن 1994 میں دونوں ممالک کے درمیان جنگ ختم ہونے کے بعد سے اس کا حکومتی انتظام آرمینیائی نسل کے لوگوں کے پاس ہے، ترکی نے بھی آذربائیجان کو مکمل حمایت کی یقین دہانی کرادی، پاکستان نے آذربائیجان پر گولہ باری کی مذمت کرتے ہوئے کہا کہ سلامتی کونسل میں کارا باخ کے حل کے لیے منظور قراردادوں کی روشنی میں آذربائیجان کے موقف کا حامی ہے، یورپی یونین، روس،ایران اور دیگر ممالک نے دونوں فریقین کو جنگ بندی کرنے پر زور دیا ہے
