Ilyas لبنان کی اسلحہ جاتی ضرورتوں کو پورا کرنے کیلئے تیار ہیں ،ایران
تہران (نیوز ڈیسک) ایران نے لبنان کو اسلحہ کی فراہمی اور تعمیر نو میں مدد دینے کی پیشکش کردی، وزیر دفاع بریگیڈئر جنرل امیر حاتمی نے کہا ہے کہ اسلامی جمہوریہ ایران، ہتھیاروں کی پیداوار کی اچھی صلاحیت کا حامل ہونے کے ناطے لبنان کی اسلحہ جاتی ضرورتوں کو پورا کرنے کیلئے تیار ہے، لیکن فیصلہ لبنانیوں کو کرنا ہے،ادھر وزیر خارجہ ڈاکٹر محمد جواد ظریف نے لبنانی صدر میشل عون سے ملاقات کی اور لبنان کی تعمیر نو اور انسانی امداداور بجلی کی فراہمی کی پیشکش کردی، ڈاکٹر محمد جواد ظریف نے ایک بار پھر کہا کہ اسلامی جمہوریہ ایران لبنان کی مدد جاری رکھے گا،انہوں نے سانحہ بیروت پر ایرانی حکومت اور عوام کی جانب سے تعزیت پیش کی
