عملی سزا ملنے تک اسرائیل باز نہیں آئے گا،حماس

یہودی کالونیوں کی تعمیر کیلئے آمادگی ملت فلسطین کیلئے خطرہ ہے ،ترجمان
غزہ (نیوز ڈیسک) حماس مقبوضہ بیت المقدس میں یہودی کالونیاں تعمیر کرنے کے پروجیکٹ کو عملی جامہ پہنانے کیلئے صہیونی حکومت کی آمادگی کو بین الاقوامی قراردادوں کی خلاف ورزی اور ملت فلسطین کے لئے ایک خطرہ قرار دیا ، حماس کے ترجمان فوزی برہوم نے کہا ہے کہ صہیونی حکومت کی پالیسیوں سے پتہ چلتا ہے کہ جب تک اس غاصب حکومت کو عملی طور سزا نہیں دی جائے گی اس وقت تک وہ بین الاقوامی قراردادوں اور قوانین کی کوئی پرواہ نہیں کرے گی، فوزی برہوم نے فلسطینیوں سے غاصب صہیونی حکومت کا مقابلہ کرنے کی اپیل کی اوراس حکومت کو روکنے ، تنہا کرنے اور اس کا مواخذہ کرنے کے لئے مزید قراردادیں منظور کرانے کے لئے بین الاقوامی اور سفارتی کوششیں تیز کرنے کا مطالبہ کیا