کوئٹہ میں مغربی بائی پاس پر سانحہ مچھ کے ورثاء کا میتوں کے ہمراہ احتجاجی دھرنا پانچویں روز بھی جاری ہے۔ وزیراعلیٰ بلوچستان بھی لواحقین کو نا منا سکے۔ ہزارہ برادی سے اظہار یکجہتی کے لئے شہر میں شٹرڈاون ہڑتال بھی کی جا رہی ہے۔
جبکہ شہداء کے اہلخانہ سے اظہارِ یکجہتی کے لیے احتجاجی مظاہرے اور دھرنے پورے پاکستان میں جاری ہیں۔ کوئٹہ کے مغربی بائی پاس پر جاری احتجاجی دھرنے کے شرکاء سے اظہار یکجہتی کیلئے کراچی کے 20 مقامات کے علاوہ حیدر آباد، لاہور، اسلام آباد، ملتان، ڈیرہ غازیخان، بہاولپور، خانیوال، کبیروالا سمیت کئی شہروں میں احتجاج اور دھرنوں کا سلسلہ جاری ہے۔
دھرنوں سے خطاب میں علمائے کرام اور رہنماؤں کا کہنا ہے کہ جب تک شہدائے مچھ کے ورثاء کے مطالبات تسلیم نہیں کیے جاتے ہمارا دھرنا جاری رہے گا۔
