سانحہ مچھ کے ورثاء سے اظہارِ یکجہتی کےلئے ملک بھر میں دھرنوں کا سلسلہ جاری ہے۔ لاہور میں تاریخی مال روڈ پر جاری دھرنے کے شرکاء نے دھرنے میں گورنر ہاؤس کے گیٹ پر نماز جمعہ ادا کی۔ نماز جمعہ مجلس وحدت مسلمین پنجاب کے ڈپٹی سیکریٹری جنرل علامہ حسن رضا ہمدانی کی اقتداء میں ادا کی گئی۔ نماز جمعہ میں شیعہ سنی شہریوں نے بھرپور شرکت کی۔ اس موقع پر دعائے وحدت پڑھ کر کوئٹہ کے شرکائے دھرنا سے اظہار یکجہتی کیا گیا۔
