Ilyas مذاکرات منیں حماس کا خواتین ،بچوں ،بیماروں کی رہائی کا مطالبہ
قاہرہ (نیوز ڈیسک)مصر کی ثالثی میں حماس اور اسرائیل کے درمیان قیدیوں کے تبادلے پر بالواسطہ بات چیت ہورہی ہے، مصری انٹیلی جنس سروس کے فلسطینی امور کے نگران جنرل احمد عبدالخالق کے زیرقیادت وفد حماس اور اسرائیل کے درمیان ”شٹل مذاکرات“ کررہا ہے۔ وہ فریقین کے درمیان قیدیوں کے تبادلے کیلئے کوشاں ہے اور یہ 2011 کے بعد فریقین میں اس نوعیت کا پہلا سمجھوتا ہوگا،حماس نے 2011میں قیدیوں کے تبادلے کے تحت رہائی پانے والے تمام فلسطینیوں کی آزادی کا مطالبہ کیا ہے،ان میں سے بیشتر کو اسرائیلی سکیورٹی فورسز نے رہائی کے بعد دوبارہ گرفتار کر لیا تھا،حماس نے اسرائیل سے بچوں ، خواتین اور بیمار افراد کی رہائی کا بھی مطالبہ کیا ہے اور کہا ہے کہ اس کے بدلے میں صہیونی ریاست کو غزہ میں زیر حراست اسرائیلیوں کے بارے میں معلومات فراہم کی جائیں گی۔
