تمام ممالک ایران سے تجارتی و اقتصادی لین دین کریں ، اقوام متحدہ

ایٹمی معاہدے کی وجہ سے علاقائی اور عالمی امن و سلامتی میں بھی مدد ملے گی
نیویارک(نیو زڈیسک) اقوام متحدہ کے سیکریٹری جنرل انتونیو گوتریس نے عالمی ادارے کے رکن تمام ملکوں سے کہا ہے کہ وہ ایران کے ساتھ تجارتی اور اقتصادی تعلقات کو معمول کے مطابق آگے بڑھائیں ،ایٹمی معاہدے سے متعلق قرارداد2231 پر عملدرآمدسے متعلق 10ویں رپورٹ پیش کرتے ہوئےانتونیو گوتریس کا کہنا تھا کہ ایٹمی معاہدہ ایران کے ایٹمی مسئلے کے جامع، طویل المیعاد اور مناسب حل کا بہترین پروگرام ہے اور اس سے علاقائی اور عالمی امن و سلامتی میں بھی مدد ملے گی ، انہوں نے تمام ملکوں اور علاقائی نیز بین الاقوامی تنظیموں پر زور دیا کہ وہ جامع ایٹمی معاہدے پر عملدرآمد کرتے ہوئے ایران کے ساتھ اقتصادی اور تجارتی سرگرمیاں انجام دیں