ایندھن نہ آنے دیا تو اسپتال قبرستان بن جائیں گے،یمنی وزارت صحت

زیر علاج ہزاروں مریضوں کی جانیں خطرے میں پڑ گئی ہیں
صنعا (نیوز ڈیسک)یمن کی وزارت صحت نے خبردار کیا ہے کہ اگر عرب اتحاد نے تیل لانے والے جہازوں کو روکے رکھا تو پھر یمن کے اسپتال مریضوں کے قبرستان میں تبدیل ہوجائیں گے ، ایندھن کی قلت کی وجہ سے آکسیجن تیار کرنے والے تین کارخانوں کی بندش نے خطرے کی گھنٹی بجادی ہے یہ صورتحال انتہائی تشویشناک ہے اور ملک بھر کے اسپتالوں اور طبی مراکز کے انتہائی نگہداشت کے شعبوں میں زیر علاج ہزاروں مریضوں کی جانیں خطرے میں پڑ گئی ہیں ، لوڈ شیڈنگ کی وجہ سے انتہائی نگہداشت، ایمرجنسی اور اسی طرح پیتھالوجی جیسے اہم شعبوں کی سرگرمیاں بری طرح متاثر ہو رہی ہیں، انہوں نے کہا کہ ایندھن کی کمی کی وجہ سے مختلف صوبوں میں کورونا وائرس کے مقابلے کے لیے قائم کیے جانے والے آئسولیشن وارڈز بھی عملی طور پر ناکام ہو گئے ہیں۔