الفتح نے اسرائیل سے تمام معاہدے ختم کرنے کا فیصلہ

مرکزی کمیٹی کے اجلاس میں اسرائیل سے معاہدے ختم کرنے کی منظوری، حماس کے ساتھ ایک سیاسی محاذ قائم ہوتے ہی اعلان کر دیا جائیگا، الفتح رہنما
فلسطینی گروہ اسرائیل کے ساتھ روابط کی برقراری کے مخالف ہیں، حماس رہنما، الفتح، حماس اور عوامی محاذ برائے آزادی فلسطین کے اجلاس میں صورتحال پر غور
 رام اللہ (نیوز ڈیسک) الفتح نے اسرائیل کے ساتھ تمام معاہدے ختم کرنے کا فیصلہ کرلیا، حماس کے ساتھ سیاسی محاذ قائم ہوتے ہی اعلان کردیا جائے گا، فتح کی مرکزی کمیٹی کے سیکریٹری جبریل الرجوب نے کمیٹی کے اجلاس کے فیصلوں سے میڈیا کو آگاہ کرتے ہوئے بتایا کہ کمیٹی نے اسرائیل کے ساتھ تمام معاہدے ختم کرنے کا حتمی فیصلہ کیا ہے، تمام فلسطینی تنظیموں من جملہ حماس کے ساتھ ایک سیاسی محاذ بنانے کی کوشش ہو رہی ہے اور بہت جلد اسرائیل کے ساتھ تمام معاہدوں کو ختم کرنے کا اعلان کر دیا جائیگا، ادھر حماس کے سیکریٹری جنرل زیاد النخال? نے بھی فتح پر زور دیا ہے کہ وہ اسرائیل کو تسلیم نہ کرتے ہوئے اس کے ساتھ فوری طور پر تمام معاہدوں کو ختم کرے، فلسطینی گروہ اسرائیل کے ساتھ روابط کی برقراری کے مخالف ہیں، ادھر عوامی محاذ برائے آزادی فلسطین کے نائب سربراہ ابو احمد فواد اور جبریل الرجوب اور دوسرے رہنماو ¿ں نے سینچری ڈیل، غرب اردن کے مزید حصوں پر قبضے اور بعض عرب حکومتوں کی جانب سے اسرائیل کے ساتھ تعلقات کی بحالی جیسے موضوعات کا جائزہ لیا، اس ملاقات میں فریقین نے پی ایل او کی تعمیرنو، ہمہ گیر عوامی استقامت کو فعال بنانے اور قومی قیادت کی تشکیل کے بارے میں گفتگو کی۔