قومی ہیرو شہید اعتزاز حسن کی ساتویں برسی آج منائی جا رہی ہے، شہید اعتزاز حسن نے 6 جنوری 2014ء کو اسکول پر خودکش حملے کو ناکام بنایا تھا۔ 6 جنوری 2014ء کو شہید طالب علم اعتزاز حسن نے ہنگو میں گورنمنٹ ہائی اسکول ابراہیم زئی پر خودکش حملے کو ناکام بنا کر 400 طلبا کی جانیں بچا کر سینکڑوں ماؤں کی گود اجڑنے سے بچائی تھی۔ اس بہاردی پر شہید اعتزاز حسن کو تمغہ شجاعت اور صدر پاکستان ایوارڈ سے نوازا گیا تھا، شہید کے بھائی مجتبیٰ حسن کا کہنا ہے کہ طلبا کی جانیں بچانے والے شہید طالب علم اعتزاز حسن کی قربانی کو بھلایا نہیں جا سکتا۔ واضح رہے کہ اعتزاز حسن نے اپنی جان کا نذرانہ دے کر اسکول پر خودکش حملے کو ناکام بنا کر پوری دنیا میں بہادری کی نئی مثال قائم کی تھی۔
