سانحہ مچھ کے خلاف شیعہ ہزارہ برادری کا کوئٹہ مغربی بائی پاس پر احتجاجی دھرنا چوتھے روز میں داخل ہوگیا، شہدا کے لواحقین سے اظہار یکجہتی کیلئے کراچی سمیت ملک بھر میں دھرنے جاری ہے۔
کراچی میں شیعہ تنظیمات کے زیر اہتمام مختلف مقامات پر گزشتہ روز سے احتجاجی دھرنے جاری ہیں۔ دھرنے ابوالحسن اصفہانی روڈ، عباس ٹاؤن، کامران چورنگی گلستان جوہر، پاور ہاؤس نارتھ کراچی، نمائش چورنگی ایم اے جناح روڈ، ملیر 15 نیشنل ہائی وے، ناتھا خان شاہراہ فیصل، کالا بورڈ میٹرو، نیپا یونیورسٹی روڈ گلشن اقبال و دیگر مقامات پر دیئے جا رہے ہیں۔ ڈرگ روڈ انڈر پاس سے ایئرپورٹ جانے والا والا ٹریک بند ہوگیا، ٹریفک گلستان جوہر کی طرف موڑا جا رہا ہے۔ شدید سردی کے باوجود خواتین، برزگ، بچوں سمیت شہری دھرنے میں موجود رہے۔
