Ilyas طالبان پر جنگ بندی کیلئے اثرورسوخ استعمال کریں، ملکہ سے مطالبہ
کابل (نیوز ڈیسک) افغان ویمنز نیٹ ورک نے قطر کی ملکہ موزا بنت نصر کو ایک خط لکھا ہے جس میں ان سے افغان جنگ بندی کیلئے طالبان پر زور دینے کا مطالبہ کیا گیا ہے، اس کھلے خط میں افغان خواتین نے ملکہ کو لکھا ہے کہ اس وقت جب پوری دنیا کورونا کے خلاف لڑرہی ہے، افغان عوام کورونا کے ساتھ ساتھ جنگ سے بھی متاثر ہیں، افغانستان کے اندر اور بیرون ملک ہزاروں خواتین، مائیں، بہنیں ہیں اور انہیں اپنے ملک میں جنگ پر سخت تشویش ہیں، رمضان کے بابرکت مہینے میں جب ہم عالمی وبا اور لاک ڈاﺅن میں روزے رکھ رہے ہیں اور عبادات کررہے ہیں تو باہر بموں کی آوازیں اور اپنے پیاروں کی ہلاکت کی خبروں نے ہمیں پریشان کررکھا ہے۔
