ایم ڈبلیو ایم کا جمعہ کو یوم یکجہتی فلسطین منانے کا اعلان

ریلیوں میں مظلوم فلسطینیوں سے اظہار یکجہتی کیا جائے گا،علامہ اسدی
لاہور(نیوزڈیسک) مجلس وحدت مسلمین نے جمعہ کو یوم یکجہتی فلسطین منانے کی کال دیدی ، قائد وحدت علامہ راجہ ناصر عباس کی ہدایت پر ریلیاں نکالی جائیں گی اور فلسطین کے مظلوم مسلمانوں کیساتھ اظہار یکجہتی کیا جائے گا،ایم ڈبلیوایم پنجاب کے سیکرٹری جنرل علامہ عبدالخالق اسدی نے کہا ہے کہ فلسطینیوں کی خون آلود عیدالفطر عالمی برادری کے منہ پر طمانچہ ہے، نماز عبادات اور قیام و رکوع سجود میں خدا کے حضور جھکے انسانوں پر بے رحمانہ تشدد اور نہتے انسانوں کے درندگی کیساتھ قتل پر اقوام متحدہ اور او آئی سی کی خاموشی تاریخ کی انتہائی تلخ حقیقت ہے ،انہوں نے کہا کہ پاکستان کا فلسطین کے بارے موقف ہمیشہ دو ٹوک اور حتمی رہا ہے اور ہم آمید کرتے ہیں کہ حکمران اس موقف پر قائم رہیں گے،علامہ اسدی کا کہنا تھا کہ 21 مئی کو شہری اپنے گھروں سے نکلیں ، احتجاجی مظاہروں میں شرکت کریں اور اسرائیل سے اپنی برات کا اظہار کریں۔