Ilyas کسی مقدس شخصیت کی تنقیص اور نہ ماننے میں فرق ہے،نیوز کانفرنس
لاہور(نیوز ڈیسک) متحدہ علما بورڈ پنجاب کے چیئرمین مولانا طاہر اشرفی پھر میٹھی میٹھی باتیں کرنے لگے ،سعودی عرب سے واپسی پر لاہور پریس کلب میں نیوز کانفرنس کے دوران کہا کہ کسی مقدس شخصیت کی تنقیص اور نہ ماننے میں فرق ہے، مختلف مکاتب فکر کے درمیان اختلاف موجود ہیں، کسی کو توہین کی اجازت نہیں دی جا سکتی، کسی اسلامی مکتبہ فکر کو کافر قرار دینا حرام ہے، انہوں نے کہا کہ پنجاب حکومت نے سوشل میڈیا پر انتہا پسندی کے فروغ کو روکنے کیلئے خصوصی ہدایات جاری کی ہیں اور بہت سے ایسے پیجز ہیں جن کو بلاک کرنے کے احکامات جاری ہو چکے ہیں اور وزیراعلیٰ پنجاب خصوصی طور پر اس معاملے میں کافی فعال ہیں ، سعودی عرب کی جانب سے اسرائیل کو تسلیم کئے جانے کے حوالے سے طاہر اشرفی کا کہنا تھا کہ پاکستان اور سعودی عرب کا اسرائیل سے کوئی رابطہ نہیں، سعودی عرب نے واضح موقف دیا ہے کہ وہ اسرائیل کو تسلیم نہیں کرے گا
