کابل یونیورسٹی میں دہشت گرد حملہ، 22 افراد جاں بحق

دہشت گردوں نے ایران افغان کتب میلے کی افتتاحی تقریب کو نشانہ بنایا
 کابل(نیوزڈیسک) افغانستان کے دارالحکومت کابل کی یونیورسٹی میں ایران، افغان کتب میلے کی افتتاحی تقریب کے موقع پر دھماکے کے بعد فائرنگ سے 22 افراد جاں بحق اور 20 زخمی ہوگئے، یونیورسٹی حملے میں تین افراد ملوث تھے، ان میں سے ایک نے شروع میں ہی خود کو اڑا دیا جبکہ دیگر دو حملہ آوروں کو سیکیورٹی فورسز نے نشانہ بنایا،حملہ آوروں اور سیکیورٹی فورسز کے درمیان 6 گھنٹوں تک فائرنگ کا تبادلہ جاری رہا ، حکومت نے لواحقین کے اہلخانہ سے اظہار ہمدردی کرتے ہوئے یوم سوگ کا اعلان کیا اس موقع پر افغانستان کا پرچم سرنگوں رکھا گیا، کابل میں 10 روز کے اندر تعلیمی ادارے میں یہ دوسرا حملہ تھا